ນັບແຕ່ວັນທີ 14-16 ເມສາ 2013 ນີ້ ເປັນໄລຍະສະເຫລີມສະຫລອງປີໃໝ່ ລາວເຊິ່ງເປັນບຸນປະເພນີປະຈຳຊາດຂອງ ລາວ " ສົ່ງ ທ້າຍປີເກົ່າ ປີມະໂລງ ພສ. 2555 ແລະ ຕ້ອນຮັບປີໃໝ່ ປີມະເສັງ ພສ. 2556 " ປະຊາຊົນລາວໃນທົ່ວປະ ເທດຕ່າງກໍໄດ້ຈັດຕັ້ງການສະເຫລີມສະຫລອງດ້ວຍຄວາມເບີກບານມ່ວນຊື່ນແລະ ເຕັມໄປດ້ວຍຄວາມ ຮັກແພງສາມັກຄີຂອງວົງສາ ຄະນາຍາດແຫ່ງຊາດ.
ໃນວັນທີ 14 ເມສາ 2013 ກົງກັບມື້ຂຶ້ນ 4 ຄ່ຳເດືອນ 5 ພສ. 2555 ເປັນມື້ເລີ່ມຕົ້ນສະເຫລີມສະຫລອງບຸນປີໃໝ່ລາວ ຕາມຮີດຄອງປະເພນີອັນດີງາມຂອງປະ ຊາຊົນລາວ ຊຶ່ງໃນວັນດັ່ງກ່າວເປັນມື້ສັງ ຂານລ່ວງຊາວພຸດ ແລະ ປະຊາຊົນລາວ ຢູ່ນະ ຄອນຫລວງວຽງຈັນ ກໍຄືຢູ່ບັນດາແຂວງໃນທົ່ວປະເທດຕ່າງກໍໄດ້ຈັດກິດຈະກຳສຳຄັນຕ່າງໆທາງພຸດທະສາສະໜາ ເປັນຕົ້ນ ຢູ່ຕາມວັດວາອາຮາມແຕ່ລະແຫ່ງໄດ້ນຳເອົາພະພຸດທະຮູບ ລົງປະດິດສະຖານໄວ້ທີ່ຫໍສົງ ເພື່ອເປີດໂອກາດໃຫ້ຊາວພຸດທະບໍລິ ສັດທັງຫລາຍ ແລະ ປະຊາຊົນລາວບັນດາເຜົ່າ ໄດ້ຫົດ ສົງຕາມຮີດຄອງປະເພນີອັນ ດີງາມທີ່ມີມາແຕ່ດຶກດຳບັນ ແລະ ໃນຂະ ນະດຽວກັນ ຢູ່ຕາມສຳນັກງານອົງການ, ຄຸ້ມບ້ານຊານເມືອງ ບໍ່ວ່າຢູ່ນະຄອນຫລວງວຽງຈັນ ຫລື ບັນດາແຂວງໃນທົ່ວປະເທດ ກໍໄດ້ຈັດພິທີບາສີສູ່ຂວັນ, ທຳພິທີຕັກບາດ, ຈັດຕັ້ງພິທີອວຍພອນໃຫ້ແກ່ການນຳ
ຂອງຕົນ ຕະຫລອດເຖິງຄາລະວະສົມມາຜູ້ຊົງຄຸນວຸດທິ, ພໍ່ແມ່ເຖົ້າແກ່ ອາວຸໂສ ເພື່ອສະແດງຄວາມຮູ້ ບຸນຄຸນ ກະຕັນຍູກະຕະເວທີ ຕໍ່ຜູ້ມີພະຄຸນ ເພື່ອສົ່ງທ້າຍປີເກົ່າ ແລະ ຕ້ອນຮັບປີໃໝ່ ບົນຈິດໃຈແຫ່ງຄວາມເບິກບານມ່ວນຊື່ນ, ຮັກສາໄດ້ຮີດຄອງປະເພນີ ທີ່ເປັນເອກະ ລັກຂອງຊາດຕົນ ໃຫ້ຄົງຢູ່ຕະ ຫລອດການ.
ການສະເຫລີມສະຫລອງ ວັນບຸນປະເພນີສຳຄັນຂ""ອງຊາດ ໃນມື້ສັງຂານລ່ວງ ສະເພາະຢູ່ນະຄອນຫລວງ ວຽງຈັນ ມວນຊົນຊາວນະຄອນຫລວງ ໄດ້ຈັດກິດຈະກຳສຳຄັນທາງປະເພນີ ເປັນຕົ້ນການແຫ່ນາງສັງຂານ, ຊຶ່ງນາງສັງຂານຂອງນະ ຄອນຫລວງວຽງຈັນປີນີ້ໄດ້ຜ່ານການປະກວດໃນຄ່ຳຄືນຂອງວັນທີ 12 ເມສາ 2013. ສຳລັບ ເສັ້ນທາງ ການແຫ່ນາງສັງຂານ ເລີ່ມຈາກວັດອິນແປງແຫ່ໄປຕາມຖະໜົນເສດຖະທິລາດໄປຮອດນ້ຳພຸ ແລ້ວ ໂຄ້ງ ກັບຄືນ ຕາມຖະໜົນເຈົ້າຟ້າງຸ່ມຮອດສາມ ແຍກປາກປ່າສັກລ້ຽວຫາວັດອິນແປງເພື່ອມອບສົ່ງພະພຸດທະຮູບ, ພະສົງ, ຫົວພະຍາກະບິນລະພົມ ໃຫ້ແກ່ວັດອິນແປງ.
ໃນຂະບວນແຫ່ປະກອບມີ ຂະບວນຮັບພະພຸດທະຮູບ, ຂະ ບວນພະສົງ, ຂະບວນການ ນຳ ນະຄອນຫລວງວຽງຈັນ ແລະ ເຖົ້າແກ່ແນວໂຮມ ຊຶ່ງນຳໂດຍ ທ່ານ ສຸກັນ ມະຫາລາດ, ກຳມະ ການສູນກາງພັກ, ເລຂາຄະນະ ພັກ, ເຈົ້າຄອງນະຄອນ ຫລວງ ວຽງຈັນ, ຂະບວນແຫ່ຫົວ ພະຍາ ກະບິນລະພົມ,ນາງສັງຂານ (ນາງ ທັງ 7), ຂະບວນດົນຕີ ມະໂຫລີພື້ນ ເມືອງລາວ, ຂະບວນບຸບຜາສາດ ແລະ ອ່າງນ້ຳຫົດສົງ ແລະ ຂະ ບວນ ມວນຊົນຊາວນະຄອນ ຫລວງ ວຽງຈັນ ເຂົ້າຮ່ວມຫລາຍ ພັນຄົນ.
No comments:
Post a Comment